《森美旅行团2》昨晚播到第三集，继续由森美带领麦美恩（Mayanne）、丁子朗同吴若希，喺日本京都吃喝玩乐，今集森美仲扮舞伎周围搵人影相，不过化到白雪雪嘅森美，副尊容真係吓亲人啰！

原文：东方新地、环球胶报｜

森美扮舞伎吓亲人

《森美旅行团2》来到第三集，今集森美、Mayanne、丁子朗同吴若希分别化身舞伎、花魁、武士同车伕。佢哋分成两队battle，同当地市民及游客影相。

 

扮舞伎嘅森美就同Mayanne一组，森美扮得女人，另一个就当然扮男人啦。Mayanne自称「麦丸子十小辣」，森美就搞笑咁话：「我哋就係大柠乐唔少甜」，真係九唔搭八嘅！

跟住佢哋就开始比赛，森美同Mayanne见到人就冲埋去，十足十怪物咁，想吓死人咩？影咗两张相之后佢哋又追住两个囡囡，不过吓到人哋愈叫愈走，搞到森美都忍唔住话：「走喎，佢哋走得几快，九秒九咁走」。

另一方面，吴若希同丁子朗就简单得多，搵到唔少人同佢哋合照！

Mayanne即刻寸森美：「係你个样嘅问题」，森美反击：「唔係你个样有问题？」。咁又唔怪得人嘅，森美化到白雪雪，红唇烈炎，不过又男人咁嘅老牛声，唔讲仲以为佢係人妖嚟！俾着小编都一样吓到走夹唔抖！

吴若希同丁子朗最后成功影咗13张相，临尾Mayanne仲要寸多句：「咁我个样都算正常，都似一个男人，但係叔叔（森美）笑起棚牙上嚟，係有啲呕心，原来佢棚牙真係咁黄。」

森美扮女人咁精彩，好嘢紧係益大家，去片！

《森美旅行团2》今个星期开始播，由森美带队游京都、冈山及和歌山，除了旧拍档麦美恩(Mayanne)外，仲有吴若希及丁子朗新加入！其中2016香港先生亚军丁子朗出场即大骚健硕肌肉，搞到森美大哥都要自嘲年纪大，依家为大家介绍呢位小鲜肉！

《森美旅行团2》已经出发

一连十集的《森美旅行团2》已经播紧，今次继续由森美大哥带队，但就冇咗上辑的黄心颖同高海宁，旧团友麦美恩(Mayanne)有得留低，换上吴若希、丁子朗加入，齐齐带大家去日本京都、和歌山及冈山食玩买～

麦美恩被Un到红晒

拍摄期间，森美留意到麦美恩块面劲红。

连人妻吴若希都发现到。

森美笑指，係因为Mayanne甚少坐喺啲突出黎嘅嘢上面！

而另一原因係，Mayanne家教太好，所以佢又细到大，从来无踩单车喎。

不过，「踩单车」有乜影响真係好难用几句说话解释！

小鲜肉丁子朗 爆肌撼赢森美大哥

昨晚第二集，丁子朗首度登场，孖森美介绍京都电气风吕「衣笠温泉电气风吕」入到澡堂，就係二人骚肌嘅大好时机！丁子朗露出健硕肌肉，发挥小鲜肉吸睛之处！相反森美就搞笑地扮锡身，将毛巾包到上心口，连两点都唔露，大方畀对方抢镜！

齐齐电到硬晒

由于全裸进浴场是礼仪，所以二人都入乡随俗，全裸入浴，并将重要部分「打格仔」处理～入浴时，丁子朗自爆因为受到电流影响，搞到全身硬晒，肌肉绷紧！随后，森美亦落池试试，二人同样表现痛苦，但又好搞笑！

《歎得好健康》同陈雅思斗晒胸

其实丁子朗喺节目骚肌都唔係第一次啦！去年无綫综艺节目《歎得好健康》中，丁子朗与黎耀祥、黎诺懿及陈雅思几乎集集都浸温泉，结实有型的丁子朗可谓风头尽出，每当三位男士浸温泉时，黎耀祥及黎诺懿为遮肚腩，通常将全身浸于水中，仅得子朗自信爆棚，大方展露完美身材，成功秒杀视帝祥及神之马壮！

陈雅思泳衣仲吸睛

小鲜肉丁子朗係吸睛，不过陈雅思泳装出场时，都只好企埋一边啦！

2016年香港先生亚军

1997年出世的丁子朗今年只得21岁，名副其实係个「小鲜肉」，2016年时以19岁之龄参加「香港先生选举」，夺得亚军、「最上镜先生」及「现场最受欢迎香港先生」三个奖项，睇嚟观众缘相当不俗！

睇得仲好打得

大只仔丁子朗唔只睇得，仲好打得！据知佢由1级开始学习蔡李佛拳至9级，有姿势有实际！

完美肌肉

丁子朗完美身材嘅背后，原来有个故事。话説佢大学时期受到大只宿舍室友影响。，当时子朗被室友迫做Gym，慢慢先变成习惯。佢不时都喺社交网络大方发布肌肉照。各位女士们，係福利啊！

N