不论阁下有冇玩即影即有相机，都会听过 Lomography 的名字，或多或少都会见过 Lomo 风的相片，原来小小感觉，可以缩细放大。上年推出的 Lomo’ Instant 大受女生追捧，今年 Lomo’ 继续承接潮流，推出 Lomo’ Instant Wide，改用 Fuji Instax Wide 大相纸，自拍可以影多几个人，景都影得阔啲啦。

Lomo’ Instant Wide 同 Lomo’ Instant 最大嘅分别在于相纸，改用较大张的 Instax Wide，机身亦自然更大，要单手拎住都真係会手软。功能同上代大同小异，有齐多重曝光、曝光补偿、AB 快门及 1/30 快门等等。

个别颜色版本跟机套装附送一组广角镜头及一组近摄镜头，连同内建的 35mm 镜头，基本上各种人像、风景都够影。机身前面亦设有小小的自拍镜，最鬼马係镜头盖其实暗藏遥控器，可以当遥控 Shutter 用，摆好甫士就可以按个掣即刻影，既方便又快捷。

自拍係方便嘅，女版主用近摄镜头，黑角散景颜色统统都带 Lomo 风，只係部机实在大同重，单手拎耐啲都会累。

即影即有影风景最有文青味道，广角镜就配合得天衣无缝，+1 / -1 曝光补偿方便营造不同风格，对焦无限远亦避免失焦问题。

除咗不同焦距镜头，Lomo’ Instant Wide 仲有附送色纸畀你发挥无穷无穷小宇宙，玩吓不同色温效果。例如上图就加咗黄纸，女版主变咗黄脸婆；但紫、蓝等冷色就相对效果冇咁突出。

多重曝光，係需要特别嘅技巧，仲需要用到特製的 MX Splitzer，配合机内的 MX 模式就可以做到。呢一张相纸，你可以选择两个故事；不过除咗构图，对位、光线等等都好重要，都係果句：还是没练习太耐，感觉都追不回来。建议大家都係用数码相机练习练习先。